***حبك اتــولـــد فيا***

السلام عليكم ورحمه الله وبركاته

بحبك حب مش عادى
حب يخلى القلب كده هادى
بحبك وحبك اتولد كده فيا
لو اتوزع على الناس يملا قلوبهم حنيه
بحبك بحب كل شىء فيكى
وانا كلى فدا معاليكى
بحبك
بحب اسمك
بحب شمسك
بحب قمرك
بحب ليلك
بحب سهرك
بحب نيلك
لو اتغربت اموت واجيلك
سبحان من خلق سبحان من وهب
شعاع شمسك سلاسل دهب
شعاع قمرك على النيل خلى جماله فينا
شعاع قمرك لما بنشوفه يحلينا
فجرك كل يوم بيولد شمس شعاعهايعافر فى الضله ويبرأ برأ
يهمس فى ودن الندا همس ويحول الندا لؤلؤ
شعاع شمسك يطبطب على الوردومين ياناس اده
يفتح الورد يلائى شعاعك على خده
نصحى يا مصر يا ست الكل
نلائيكى معطره بالورد والفل
شعاع شمسك يلمس الماٌذن يملا الدنيا اذان
يا ام شمس يترش الحنين قبل الزمان بزمان
ليكى شمس عند الاصيل
تنزل بحنيه تحط بوسه على النيل
ليكى شمس تخلى قلوب كل الاحبه تدوب
لما ترسم لوحه تعلم كل القلوب حب عند الغروب
بحبك يا مصر بحب كل شىء فيكى
وانا كلى فدا معااااااااااااليكى
((منقوله من ابى الحبيب))