كلاسيك ولا كاجوال؟

اكيد كل واحد ليه زوقه فى اللبس بس يا ترى انهى احسن اللبس الكلاسيك ولا الكاجوال
ياريت اللى يرد يقول بيحب انهى وليه يمكن واحد يغير ستايله ولا حاجه
وطبعا اذا كان كاجوال او كلاسيك فتظل الاناقه هى سر التميز فى اناواع اللبس العديده

انا بصراحة بحب اللبس الكلاسيك اوى وبحب اكتر لبس البدل لكن كل لبسى فى الكلية او اغلبه كاجول وده طبعا علشان التراب الكتير الموجود فى الكلية والبهدلة بتاعة المدرجات والسكاشن لكن فى الاجازة اغلب الوقت ببقى لابس كلاسيك وبالنسبة لسبب حبى للكلاسيك هو انى بحس انى بليق فيه اوى

بس بحس ان الكلاسيك ليه اوقات معينه بس مناسبات بقى او افراح
او خروجات رسميه شويه
لكن خروج مع الاصحاب بالذات طول الصيف متهيالى الكاجوال بيبقى خفيف ولذيذ

انا عن نفسى لبسى فيه الكلاسيك وفيه الكاجوال بس انا بميل للكلاسيك اكتر
ده لأنى بحس ان الكلاسيك اكتر وجهاهه واناقه

بصراحة الاتنين مفيش غنى عنهم بس كل لبس بيبقى ليه وقته يعني مثلا الكلاسيك لازم وقت الشغل علشان مقابلات العملاء اما الكاجوال بيبقى في المواقع بتاعة الشغل او الخروجات والفسح اللي فيها شقاوة وتنطيط وكدة يعني بس انا عن نفسي بحب الكلاسيك اكتر لأنه بيدي منظر اكتر شياكة خصوصا وان الكاجوال بقى فيه اشكال موضة ربنا يعلم بيها وانتوا اكيد عارفين الاشكال دي في موضة الكاجوال مع كامل احترامي للكاجوال والمكجولين
واااااااااااااااااااااااااااااااااااااسف للإطالة

بس يا بيبو الكاجوال معتقدش انه يليق فيك خلاص بقيت لايق على الكلاسيك
بس نفسى اكجولك

انا عن نفسى احب البس الكجوال
لازم الواحد يبقى فرييييييييييي
و على العموم الاثنين لابد منهم